EUSKARAREN ERABILERA SUSTATZEKO MINTZAKIDE PROGRAMAREN BIGARREN EDIZIOA HASIKO DA

Bilbao, 2009ko urriaren 15a. Mintzakide Programaren lehen edizioaren arrakastaren ondoren, Bilboko Udaleko Euskara Sailak martxan jarriko du euskararen erabilera sustatzeko ekimen ludiko berritzaile honen bigarren edizioa.

Ekimen horrek euskara ohiko hizkuntza dutenekin eta euskara maila eta jariotasuna hobetu nahi duten pertsonekin bikoteak osatuko ditu berriro. Bikotekideek gutxienez astean ordubeteko zitak izateko konpromisoa hartu behar dute.

Nobedade gisa, Mintzakide programaren bigarren edizioak urte bateko iraupena izango du. Hala ere, lehen edizioaren estrukturari eutsiko zaio, eta bikoteek 10 astean ordubeteko zitak izateko konpromisoa hartu behar dute eta programa amaitu arte, hots 2010eko urrira arte, konpromiso hori berrituz joan.

ESKERRIK ASKO

Ekainaren 12an egin genuen jaian askotan eskerrak eman nizkizuen arren, ez naiz nekatzen. Izan ere, oso ondo pasatu genuen bertan. Zuek animatu egin zineten eta hori eskertzeko modukoa da. Anima zaitezte orain ekainaren 27rako prestatu dugun bazkarira! Izena eman nahi baduzue, gogoratu Ulibarri Euskaltegitik pasatu behar duzuela. Ea denon artean autobusa betetzen dugun! Eskerrik asko. Agur.

BAZKARIA

Dagoeneko jakingo duzuenez, ekainaren 27rako bazkaria antolatuko dugu. Izena eman nahi baduzue, Ulibarri Euskaltegitik pasatu eta han bertan ordaindu.

Datu gehiago:

JAIA!!!

Lehenengo harreran esan genizuen bezala, JAIA egingo dugu!! Jaia izango da ekainaren 12an Udaltegian; arratsaldeko 20:00etan. Udaltegia Bilboko Udalaren atzeko aldean dago; lehen, Castaños azoka zena; orain, berritu egin dute eta hortxe bertan egin dute Udaltegi berria. Anima zaitezte!! Bertan, zuek bidalitako argazki guztiak zintzilikatuko ditugu hormetan eta sari eta guzti egongo da!!

Datu gehiago: Castaños kalea da eta funikularretik hurbil dago. Lasai, norbaiti galdetuz gero, ez duzue topatzeko arazorik izango. 20:00etatik 21:30ak arte egongo da zabalik.

Kaixo, ni Amaia naiz

Esan genizuen bezala Mintzakide Programari buruzko artikuluak atera dira zenbait egunkaritan. Hementxe duzue El Pais-ek argitaratu duena.

MINTZAKIDE PROGRAMA EGUNKARIETAN!!

Aste honetan zehar bildu egin gara zenbait egunkarirekin; El Paisekoekin eta Deiakoekin, hain zuzen ere. Horiek interesa jarri dute gure programan. Adi egon zaitezte! ziurrenik asteburu honetan artikuluak argitaratuko dira eta. Dena den, argitaratutakoan artikulu biak zintzilikatuko ditugu blogean; zuek irakur ditzazuen.

ARGAZKI LEHIAKETA

BILBO, ARGAZKIEN BIDEZ!
Nola ikusten duzue gure hiria?
Har ezazue parte lehenengo argazki lehiaketan! Anima zaitezte!

ONGI ETORRI GURE WEB GUNE BERRIRA!!

Ondo dakizuenez, gure web gune berria martxan dago. Orain badaukazue aukera; alde batetik, gure blogean parte hartzeko; eta bestetik, Bilbon gertatuko diren ekitaldi guztien berri jakiteko. Aprobetxa ezazu aukera!!